De Schwéierpunkt vun eisem Familljebetrib ass d’Mëllechproduktioun.
Bei eis kënnt Dir de Wee vun der Mëllech, vun der Opzuucht vum Källefche bis an de Mëllechtank wou d’Luxlait se ewech hëlt, gesinn. Gären weise mir Iech wat op deem Wee alles gebraucht gëtt fir dass d’Kéi beschtméiglech versuergt sinn, a wou dat alles hierkënnt:

• Gutt Fudder aus eegener Produktioun
• E modernen a komfortabele Stall
• Am Summer eng gutt Weed
• A villes méi

Mir setzen als Rass bei eise Kéi ganz op d’Montbéliarde. Eng franséisch Zweenotzungsrass déi fir hir gutt Mëllechqualitéit a Kierperkonditioun bekannt ass. Aus deem Grond bleiwen eis männlech Kaalwer och um Betrib a mir hu mat der Fleeschproduktioun en zweet Standbeen.

En Hond, 4 Katzen, 2 Geessen an 2 Päerd maachen den Haff komplett a sinn no de villen Erklärungen ëmmer eng gutt Ofwiesslung.